MAGKAPATID NA OPISYAL INARESTO SA PASTILLAS SCAM

INARESTO ng National Bureau of Investigation (NBI) ang isang opisyal ng ahensya at kapatid nito na personnel naman ng Bureau of Immigration (BI) sa alegasyon ng pagkakasangkot sa manipulasyon at pangingikil sa imbestigasyon ng NBI kaugnay sa pastillas scam.

Nabatid na inaresto ng NBI Special Action Unit  ang hepe ng NBI Legal Assistance Section na si Chief Atty. Joshua  Capiral at kapatid na si Christopher  Capiral na immigration officer.

Si Atty. Capiral ay siya umanong in charge sa pagsusuri ng imbestigasyon  ng Special  Action Unit (SAU)  sa kontrobersyal na pastillas scam kung saan may kapangyarihan ito kung sino ang irerekomendang maisama o hindi sa kaso na mga immigration officers para sa SAU findings at sariling rekomendasyon.

Kinumpirma naman ni Atty. Ferdinand Lavin, ang deputy director at tagapagsalita ng NBI, na naaresto nga ang magkapatid dahil sa nasabing alegasyon.

Sa akusasyon,tumatanggap daw ng bribe si Atty. Capiral para makalusot ang immigration officer  na  nahaharap sa kaso dahil sa Pastillas Scandal. (GENE ADSUARA)