LTO, nangangailangan ng P6.8 bilyong piso para maresolba ang problema sa backlog ng plaka

TINATAYANG aabot sa P6.8 bilyong piso ang kailangang pondo ng Land Transportation Office (LTO) para matugunan ang usapin sa isyu ng kakulangan sa plaka.

Sa Laging Handa public briefing, sinabi ni LTO OIC Atty Romeo Vera Cruz na malaki ang kanilang backlog lalo na sa motorsiklo.

Sinabi pa ni Vera Cruz, tanging Kongreso ang makapagbibigay sa kanila ng kailangang funding.

Tinuran pa ni Vera Cruz, kung tutuusin ay wala namang problema sa produksiyon ng plaka gayung mayroon aniya silang modern plate making plant.

Sinasabing may dalawang robot din aniya silang ginagamit para sa pagpo-produce para sa motorcycle plate at isa pa para sa wheel drive kayat walang problema sa backlog ani Vera Cruz basta’t naririyan lang ang pondo. (Daris Jose)