LTO, MMDA minungkahi single ticketing system sa MM

IMINUNGKAHI  ng Land Transportation Office (LTO) at Metropolitan Manila Development Authority (MMDA) na ipatupad ang single ticketing system sa Metro Manila upang magkaroon ng pagkakasundo sa pagbabayad ng mga multa sanhi ng mga traffic violations.

Pinangunahan ni LTO assistant secretary Arturo Tugade ang isang technical working group (TWG) kasama ang MMDA at mga lokal na pamahalaan sa Manila upang pag-usapan ang nasabing mungkahi.

“Under the single ticketing system, traffic violators will pay a standard amount regardless of the location where the traffic violations were committed,” wika ni Tugade.

Sa ganitong paraan ay maiiwasan ang pagbabayad ng iba’t ibang halaga ng multa na ipinapataw ng iba’t ibang LGUs sa kalakhang Maynila at ng MMDA.

Kasama sa mga violations na ilalagay sa single ticketing system ay ang disregarding traffic signs, illegal parking, reckless driving, driving ng walang license, driving ng unregistered vehicle, over speeding, illegal counterflow, number coding violations at obstruction. Ang hindi pagsusuot ng authorized helmets para sa mga motorcycle riders ay kasama rin sa mga violations.

Ayon kay Tugade ang mungkahi ay sisimulang ipatupad sa susunod na taon. Ang single ticketing system ay naglalayon na magkaroon ng isang uniform at clear guidelines para sa mga traffic violations.

“The STS will establish uniform and clear guidelines for violations like disregarding traffic signs, illegal parking (attended and unattended), reckless driving, driving without a license, driving an unregistered vehicle, overspeeding, illegal counterflow, number coding violations at obstruction,” dagdag ni Tugade.

Ang mga drivers’ licenses ay hindi na kailangan pa na kumpiskahin dahil ang mga licenses ng mga violators ay lalagyan ng tagging ng LTO. Maaaring bayaran ang mga multa sa pamamagitan ng digital wallets o magbayad sa mga rehistradong center ng LTO’s Land Transportation Management System.

Inilatag din sa ginawang pagpupulong ang mahigpit na pagpapairal ng tricycle ban lalo na sa mga national highway at kaukulang speed limit ng mga ito, gayundin ang truck ban.

Sa ngayon ay isinasapinal pa ng mga miyembro ng TWG ang makatwirang halaga ng multa na ipapataw sa mga hindi sumusunod sa mga batas trapiko.

Kapag natapos na ang mga rekomendasyon ng TWG ay magkakaroon naman ng public consultation bago pa ipatupad ang mga guidelines sa STS. Lahat ng stakeholder ay ikokonsulta at ikokonsidera ang mga rekomendasyon, agam-agam at kung ano pa man na problema para maipatupad ng maayos ang nasamangprograma. LASACMAR