LTO enforcer na sinagasaan ng SUV, binigyan ng pagkilala

PINAPURIHAN ng Land of Transportation Office (LTO) ang Field Enforcement Division, Law Enforcement Service na si Butch S. Sebastian dahil sa tapat niyang paglilingkod sa kanyang tungkulin bilang isang Law Enforcer Officer.

Personal na iniabot ni LTO Assistant Secretary Atty Teofilo Guadiz III kay Sebastian ang Certificate of Commendation na ginanap sa LTO Compound sa East Avenue, Quezon City.

Ito ay pagpupuri sa kanyang huwarang at pambihirang serbisyo bilang Law Enforcer Officer, gayundin sa kanyang pagsisikap na ipatupad ang Republic Act 4136, sa kabila ng insidente na kinasangkutan ng isang SUV driver na gumagamit ng “wangwang” at blinker at sinagasaan si Sebastian habang gumaganap ng kanyang tungkulin sa EDSA Busway sa Lungsod ng Caloocan.

Ani Guadiz, ang propesyonalismo at hindi natitinag na mga pangako, sigasig at dedikasyon sa serbisyo na ipinakita ni Sebastian ay tunay na karapat-dapat na kilalanin at tularan. (Richard Mesa)