Learning crisis sa bansa, dapat agad matugunan

KUMBINSIDO si Pangulong Ferdinand R. Marcos Jr.na dapat na agad na matugunan ang problema na may kinalaman sa learning crisis sa hanay ng mga estudyante.
Sinabi ng Pangulo na ipinapakita ng isinumite sa kanyang report ng Congressional Commission on Education o EDCOM ll na sadyang may pagkukulang at may kailangang gawin para mapaunlad ang sistema ng edukasyon sa bansa.
Malinaw aniya na batay din sa EDCOM II Final Report na sadyang may krisis sa pagkatuto na isa aniyang hamon sa education system para maresolba ang nasabing problema.
Sa kabilang dako, naniniwala naman si Pangulong Marcos na sa pamamagitan ng binalangkas na National Education and Workforce Development Plan o NatPlan 2026 to 2035 ay matutugunan nito ang learning crisis sa mga estudyante.
Nakapaloob aniya kasi rito ang mga gabay sa priority reforms, lehislasyon at budgetary allocations para sa education sector para sa susunod na sampung taon.
(Daris Jose)