Kaya napasama sa Big 4 Duos ng ‘PBB Celebrity Collab’: AZ, ‘di makalilimutan nang nanalo sila ni RIVER sa ‘Big Jump Challenge’

SIKAT na sikat ngayon ang Sparkle female star at housemate ng ‘Pinoy Big Brother Celebrity Collab Edition’ na si AZ Martinez.

At bilang isang PBB housemate, tinanong namin si AZ kung ano ang hinding-hindi niya makakalimutan sa kanyang PBB journey.

“Yung never ko po talagang makakalimutan  from sa journey ko sa loob ng Bahay ni Kuya yung nanalo kami ni River sa Big Jump Challenge,” ang bulalas na pagtukoy ni AZ sa kapwa niya former housemate na si River Joseph.

Pagpapatuloy pa ni AZ, “Kasi iyon po yung pinakamahirap na challenge for me, for both of us kasi endurance yun, e.

“We were standing with blocks in between us for seven hours, umulan man or sobrang araw man, mainit nandun kami nakatayo.

“And parang iyon yung time na gustung-gusto na talaga namin… we were really fighting for it kasi para iyon mapabilang sa Big 4, e.

“And pangarap po talaga namin ni River na makasali sa Big 4 kaya iyon yung something na hindi ko po talaga makakalimutan.

“Kasi once na-announce ni Kuya na ‘Congratulations parte na kayo ng Big 4’, sobrang Oh my God!

“Parang naano na yung puso ko gusto ko umiyak, umiyak, umiyak. Iyon po.”

Si AZ ang bagong brand ambassador ng SCD beauty products mula sa kumpanyang pag-aari ni Gracee Angeles na CEO ng EEVOR Skin Care Depot.

(ROMMEL GONZALES)