Kaya nagpapaganda ng katawan: KRISTOFFER, naghahanda sa pagsali sa triathlon at sa mega serye

Published on December 24, 2022
by @peoplesbalita

MAY dahilan kung bakit nagpapakondisyon at nagpapaganda ng katawan niya ang Kapuso hunk na si Kristoffer Martin.

Naghahanda siya para sa kanyang pagsali sa triathlon.

Sa Instagram, nag-post si Kristoffer ng isang video kung saan makikita ang bortang katawan niya na subsob sa workout at training.

Nilagyan pa niya ng caption na: “And so it begins. # Triathlon #Training”

Ang triathlon ay “athletic contest consisting of three different events, typically swimming, cycling, and long-distance running.”

Swimmer si Kristoffer noong high school pa lang ito kaya ang pinagbuhusan niya ng panahon ay ang pagtakbo at ang cycling na kelan lang ay napabalunan niya ng medalya.

Nakilahok si Kristoffer sa Taktak Cycling Challenge na ginanap noong nakaraang Sabado, December 17 sa Daang Bakal Road, Taktak, Antipolo City.

Post niya sa IG: “FIRST OF MANY. Ang sarap pala magka-medal. Hahaha. Really enjoyed the TakTak100 (kahit 50km lang talaga sinalihan ko). Well organized event. Congraaats team Taktak!”

Bukod sa kanyang sports, pinaghahandaan na rin ng aktor ang mga magiging action scenes niya sa 2023 mega serye na Urduja’s Jewels kunsaan bida sina Kylie Padilla, Gabbi Garcia at Sanya Lopez.

Kasama rin sa cast sina Zoren Legaspi, Jeric Gonzales, Michelle Dee, Rochelle Pangilinan, at Arra San Agustin.

(RUEL J. MENDOZA)