Kaya all praises kay Direk Fifth na nakatutok… RHEN, aminadong nahirapan sa role dahil kailangang maging OA

ALL praises si Rhen Escaño kay Fifth Solomon na direktor ng Viva One series na ‘My Husband is a Mafia Boss’ na pinagbibidahan nina Rhen at Joseph Marco.
Naitawid kasi ng maayos ni Rhen ang papel niya sa serye bilang Aemie dahil kay direk Fifth.
“Malaking bagay yung workshop bago nag-start yung taping kasi first time ko pong gumawa ng romcom na comedy talaga,” lahad ni Rhen.
“Alam na alam ng lahat kung gaano kabaliw si Aemie. Sobrang yung character niya, talagang malala.
“Hindi siya madaling i-portray.
“Honestly ang hirap ng kailangan kong maging OA.
“So nung workshop namin, as in siguro nakaka-two days na kami, nagwo-worry ako na hindi siya lumalabas naturally, tapos halatang iniisip ko yung script.
“Hindi mailabas ng funny side ko.
“Akala ko noong una, ‘Hindi ko yata kaya. Paano?’
“Buti na lang, si Direk nandoon. Sobrang hands-on po niya.
“Kahit sa workshop, sumasama siya sa amin and we all know naman na sobrang witty and funny ni Direk Fifth.
“Kung kilala ninyo siya as a friend, alam ninyo talaga na sobra yung imagination niya na nakatulong talaga.
“Kaya dun sa trailer, malaki ang percentage na ambag ni Direk Fifth.
“Lumabas yung character ni Aemie na sobrang funny na hindi kailangan na piliting maging funny,” pagbabahagi pa ni Rhen.
Makakasama nina Joseph at Rhen si Ara Mina, bilang ina ni Aemie na si Alyana, pati na rin sina Priscilla Meirelles, Frost Sandoval, Sara Joe, Kyosu Guinto, at ALAMAT members Mo Mitchell at R-Ji Lim, na may mga mahahalagang papel na lalong magpapatindi ng action at romance ng serye.
Kukumpleto sa talented cast sina Simon Ibarra, PJ Rosario, Maru Delgado, Kelley Day, Anjo Damiles, Akihiro Blanco, Jaime Yllana, Icee Ejercito, Roberta Tamondong, Dann Aquino, Aaliyah Coco, Hazel Calawod, Naz San Juan, Bianca Santos, Yuki Sonoda, Sandex Gavin, at Edsel Santiago.
Pasukin ang mundo ng mafia at damhin ang kilig at aksyon sa My Husband Is a Mafia Boss. Samahan sina Aemie at Zeke sa bawat nakakanapabik na twist ng kanilang love story. Ekslusibong panoorin ang serye sa Viva One simula ngayong April 11, na susundan ng bagong episode tuwing Sabado.
Para i-stream ang series, pumunta sa www.vivaone.ph o i-download ang app at mag-subscribe sa App Store, Google Play, o Huawei App Gallery.
***
KAHANGA-HANGA ang aktres, newscaster, live seller at content creator na si Dianne Medina dahil isa na siya ngayong Chief Executive Officer (CEO) ng sarili niyang kumpanya, ang DM Studios.
Sa pamamagitan ng kanyang pagpupursige, tiyaga at sipag ay naitayo ni Dianne ang DM Studios (Dianne Medina Studios) na ang hangad ay makatulong sa iba pang mga content creators at artista.
Pagbabahagi ni Dianne, “It’s a live-selling agency, a live commerce platform wherein we help brands, audiences and of course celebrity influencers also. So basically, we mount live streams into high converting live selling.”
Katuwang siyempre ni Dianne sa DM Studios ang guwapo niyang mister na si Rodjun Cruz (Vice President for Marketing/PR head), maging ang pinsan ni Dianne, ang beauty queen/actress na si Maxine Medina (Vice President for Sales).
Bukod kay Dianne ay nagla-live selling rin si Rodjun na umaming hindi madaling trabaho ang pagla-live selling, sipag, tiyaga at charm ang puhunan para ang mga manonood ay bumili ng produktong ibinebenta nila.
At hindi rin totoong nagla-live selling si Rodjun pagkat wala na siyang project at career bilang artista.
Lahad ni Rodjun, “Proud live seller po ako kasi hard work po ‘yan, eh, marangal na trabaho. And hindi totoo na ‘pag nagla-live ka, wala ka nang trabaho, laos ka na, hindi po.
“May mga project pa po tayo. Kaka-champion lang po natin sa ‘Stars on the Floor,’ may serye po tayong ginagawa and proud po ako rito kasi po ‘yung team namin, lahat po ‘yan, nagwo-work for their families.
“Nakatutulong din kami sa brands, gayundin sa mga tao. At saka hindi biro ang live selling ha? Akala niyong iba, madali lang ‘yan. Hindi po, hard work talaga ‘yan at saka dedication.”
Samantala, ikinuwento naman ni Dianne na bata pa lamang siya ay pangarap na niyang maging isang CEO ng sarili niyang kompanya.
At natupad nga ito sa pagkakatayo ng DM Studios.
Sa kasalukuyan ay may fifteen celebrities na ang nasa pamamahala ng management ng DM Studios; ilan sa mga ito ay sina Rayver Cruz, Julie Anne San Jose, Tuesday Vargas, EA de Guzman, Shaira Diaz, at Carla Abellana, maging ang influencer na si Simon.
Malamang rin ay maging involved sa DM Studios sina Dasuri Choi, Polo Ravales, Zeus Collins, at Pancho Magno at marami pang iba.
Congratulations Dianne!

(ROMMEL L. GONZALES)