Kailangang magpakatotoo sa Bahay ni Kuya: RALPH, nagbigay ng tips sa housemates ng PBB Celebrity Collab Season 2

HININGAN namin si Ralph de Leon ng payo o tips para sa mga susunod na housemates sa nalalapit ba season 2 ng ‘Pinoy Big Brother Celebrity Collab Edition.’
Ang payo ni Ralph, na former housemate sa unang edisyon, para sa mga susunod na housemates sa PBB ay, “Siguro yung pinaka-tip ko na lang po talaga, siyempre magpakatotoo.
“‘Yun naman talaga yung bilin sa amin ni Kuya, na lalabas at lalabas din yung personality mo and who you really are inside the house at hindi mo maitatago yun. So might as well just show who you really are.”
Phenomenal ang newfound fame ng mga housemates ng PBB Celeb Collab Edition; paano naha-handle ni Ralph ang kanyang kasikatan ngayon?
Lahad niya, “Well, ako talaga, it’s important for me to stay grounded.
“Alam namin na grabe talaga yung binibigay sa amin na blessings ngayon, sa buong batch namin. Mula sa first evictee hanggang sa big winner namin, lahat very, very blessed.
“So ngayon nandito na kami, na siguro you can call it fame, you can call it whatever, pero para sa amin, we’re really trying to cherish the moment, really make the most out of all the opportunities na binibigay sa amin.”
Dumalo si Ralph sa book launch ng life coach na si Pia Acevedo na pinamagatang “Here & Now: Moment to Moment”; kaibigan ni Ralph ang anak ni Pia kaya dumalo siya sa launch ng libro.
Mahalaga para kay Ralph ang magkaroon ng life coach…
“Okay. Yeah, like Coach Pia. Para sa akin, it’s hard to go through life alone without a lot of guidance. Especially for a lot of people na walang support system and walang matatakbuhan with regards to their problems, Coach Pia’s gonna be there really to guide you.
“Someone like Coach Pia can really give you advice not only about work, about life, about friends, about family, kung ano mang problema yan, siya bahala sa inyo, di ba?
“Kaya it’s good to have someone like that, na kaya talagang masabihan ng mga problema mo and to actually give you advice you can use and apply to it every day.
“Kasi yung iba, di ba, eme-eme lang minsan na, okay fine, you can say whatever you want pero alam mong lalabas sa kabilang tenga kasi wala namang sense.
“Pero as someone na aral, na sobrang…really, this has been her career for decades now. You know that there is something na alam mong mapagkakatiwalaan talaga siya,” pagbabahagi pa ni Ralph.

(ROMMEL L. GONZALES)