JOHAN at ERIKA, kinoronahan bilang ‘Mister & Miss Lipa Tourism 2026’ (ni: ROHN ROMULO)

BONGGANG-BONGGA ang naganap na grand coronation night para sa ‘Mister & Miss Lipa Tourism 2026’ nitong June 20 sa Plaza Independencia sa Metropolitian Cathedral of San Sebastian sa Lipa City, Batangas.

Kitang-kita talaga na pinaghandaan at ginastusan ang naturang local pageant sa pangunguna nina City Councilor and Committee Chairperson on Tourism Venice Manalo at Lipa Tourism Council President Joel Peña. 

Sinuportahan ito ng butihing Lipa City Mayor na si Hon. Eric B Africa at ni Ms. Aylene Acorda, MIHTM, OIC Tourism Officer.

Habang ginaganap ang grand coronation, para kaming nanonood ng national competition. Sobrang intense ang labanan na suportado ng audience ang mga candidates, bukod pa sa magandang production numbers at presentation.

Naglaban-laban ang 10 candidates para sa Mister Lipa Tourism 2026 habang 10 kandidata rin ang nagpabonggahan para sa titulong Miss Lipa Tourism 2026.

Katulad ng klima nang gabing ‘yun, mainit at matindi ang naging labanan ng mga candidates lalo na nang rumampa na ang mga ito para sa swimwear competition.

Si candidate number 4 Tania Endozo (Brgy. Muntingpulo) ay humakot ng special awards.

After ng Evening Gown/Formal Wear competition, in-announce na ang Top 5 finalist.

At tulad ng mga pageant, mas naging intense pa ang laban sa Q&A portion kung saan napasabak sila sa pagsagot sa katanungang napili na tungkol sa turismo sa Lipa City.

Ang kanilang mga sagot ang naging basehan para sa kani-kanilang puwesto.Ang tinanghal na 

2026 Mr. Lipa City Tourism ay Johan Miguel Pinon (Brgy. Sampaguita), na crowd favorite at bet din naming magwagi.

Si Ma. Erica Valenzuela (Brgy. Tambo) naman ang kinoronahang 2026 Ms. Lipa City Tourism. 

1st runner up ay sina Mohammad Reza Junior Gholami (Brgy. 8) at Kate Danielle Morales (Brgy. Sabang);

2nd runner up sina Marlon Anthony Parco (Brgy. San Jose) at Allyza Joyce Lescano (Brgy. Banaybanay);

3rd runner up sina Felyciti Claire Marin (Brgy. Tambo) Glen Wendel Masupil (Brgy. Sabang);

4th runner up sina Tania Endozo (Brgy. Muntingpulo) at Vincent Emmanuel Sayas (Brgy. Antipolo del Norte)

Pinasalamatan naman ni Mayor Eric ang lahat ng nakiisa sa katatapos lamang na matagumpay na selebrasyon ng 421st Founding Anniversary and 79th Cityhood ng lungsod ng Lipa noong ika-20 ng Hunyo.

Muli ngang ipinamalas ng mga kabataang Lipeño ang kanilang talino, kagandahan, at kakayahan sa yearly competition na nagsisilbing daan upang makapili ng mga kinatawan ng lungsod sa iba’t ibang pageant sa loob at labas ng lalawigan.

Isa ngang malaking tagumpay ng 2026 Mister & Miss Lipa City Tourism at abangan natin sina John at Erica sa pagsali nila sa national competitions.

#EatPrayLoveLipa