Isa sa unang nakiramay sa pagpanaw ng actor-director: ZSA ZSA, binalikan ang masasayang alaala sa ‘brother’  na si RICKY

Pagbabalik-tanaw pa ni Zsa Zsa sa masasaya at hindi malilimutan tungkol sa namayapang aktor, “I had the joy of working with Ricky in Familia Zaragoza where we played siblings—since then, I’ve always fondly called him “Brother.” In 1997, he became Tony Javier to my Paula Marasigan in the stage adaptation of Larawan, staged at the CCP. We did a total of ten shows, working closely together during that time.

“Whenever we’d run into each other, we’d always recall those cherished moments. The last time I saw him, we were celebrating a birthday from our group chat—just like always, full of laughter and warm memories.

“So now, hearing of the passing of another artist makes my heart grow heavy. Ricky was a very good actor—dedicated and professional. I didn’t have scenes with him in Cattleya Killer, but I saw him in the lobby of our designated hotel. As always, we had that instant connection and took time to chat before heading to work.”

Dagdag pa ng singer-actress, “Ricky is a great loss to the movie industry. His presence will be missed on stage, television, and in the movies.

“May you rest in peace, Brother. My deepest condolences to all the loved ones left behind. And thank you for the joy you brought in every role you portrayed—on stage, on television, and in film.”

“Sabi ko, ‘Bakit ganun? Parang nagsusunud-sunod naman yung mga performers, mga singers,’ and nakakalungkot talaga, Sabi ko, ‘Nakakapraning, e!’ Alam mo na, nagkasunud-sunod naman kasi din,” pahayag niya.

Samantala, ipagdiriwang ni Zsa Zsa ang 42nd anniversary niya sa showbiz sa pamamagitan ng concert na Zsa Zsa: Through The Years sa Mayo 17, 2025, Sabado, sa Samsung Performing Arts Theater sa Ayala Malls Circuit Grounds, Makati City.

***

BUMISITA at nagbigay kurtesiya ang grupo ng Quezon City Parents-Teachers Association (QCPTA) sa tanggapan ni Movie and Television Review and Classification Board (MTRCB) Chairperson at CEO Lala Sotto-Antonio nitong Lunes, Abril 29, para talakayin ang posibleng kolaborasyon para sa responsableng panonood.

Sa kanilang dayalog, nagpahayag ng interes ang QCPTA sa pagsasagawa ng mga serye ng “Responsableng Panonood” seminars, ang pangunahing programa ng MTRCB na dinisenyo para tulungan ang mga magulang na magabayan ang mga bata sa paggamit ng media at maintindihan ang kahalagahan ng angkop na content.

Napag-usapan din ang pusibilidad ng pagpapalabas ng mga klasikong pelikula sa mga estudyante ng Lungsod Quezon.

Planong isagawa ang mga ito sa iba’t ibang distrito ng Lungsod Quezon, sa pakikipagtulungan ng mga lokal na paaralan.

Binigyang-diin ni Sotto-Antonio ang kahalagahan ng pagpapalakas ng kaalaman ng mga magulang at nakatatanda sa responsableng paggabay sa mga kabataan lalo na’t malawak na ang paggamit ng media sa ating panahon.

“Malaki ang impluwensya ng media sa paghubog ng pag-uugali ng ating mga kabataan. Sa pamamagitan ng kolaborasyon ng MTRCB at QCPTA, nais nating maipabatid na ang responsableng panonood ay nagsisimula sa tahanan at mapapalawak pa hanggang sa mga komunidad,” sabi ni Sotto-Antonio.

Nagpasalamat ang QCPTA sa MTRCB dahil sa mga programa nito na pusibleng makapagpatibay sa relasyon ng bawat pamilyang Pilipino at maiangat ang kamalayan ng mga magulang, guro at estudyante pagdating sa mga klasikong pelikula

Patuloy namang tinitiyak ng MTRCB ang mas pinalakas pang pagsusulong ng “Responsableng Panonood” bilang misyon ng Ahensya na masiguro ang isang ligtas at masayang panood ng pamilyang Pilipino.

(ROHN ROMULO)