Isa na namang dekalidad na digital series na hatid ng Puregold: ZAIJIAN, pinasilip na ang maseselang eksena nila ni JANE sa ‘Si Sol at si Luna’ 

SA paunang silip ng maseselang eksena nina Zaijian Jaranilla at Jane Oineza, sa kwentong umiikot sa isang relasyong may agwat sa edad, nangangakong maging mapangahas ang seryeng ‘Si Sol at si Luna’.

Matutunghayan nga ang mga komplikasyon ng pag-ibig at buhay sa trailer ng pinakabagong digital na serye ng Puregold Channel, ang ‘Si Sol at si Luna.

Tampok dito ang mga dating child stars na sina Zaijian at Jane, sa mga mapanghamong tauhang gagampanan, kung saan bibigyang-buhay nila ang pag-iibigan ng dalawang taong may malaking agwat sa edad.

Sa ‘Si Sol at si Luna, si Sol ay isang estudyante ng pelikula na abala sa kaniyang tesis, at nagbago ang kaniyang buhay nang si Luna, isang babaeng bigo ang puso.

Sa pagtatagpo ng kanilang mga landas, kinailangan nilang harapin ang magkasalungat nilang damdamin tungkol sa pag-ibig at pagkawala, na pinatitindi ng agwat ng kanilang edad.

Ipinasilip ng trailer ang makulay at pulidong biswal na estilo ng direktor na si Dolly Dulu.

Kilala sa kanyang pelikulang ‘The Boy Foretold by the Stars’ at mga gawa sa telebisyon, katuparan ng kaniyang malikhaing bisyon ang ang ‘Si Sol at si Luna”.

Nauna nang ipinasa ni Direk Dolly ang kuwento bilang lahok sa 2025 Puregold CinePanalo Film Festival. Bagamat nakapasok ito sa shortlist ng 16 na pinakamahusay na lahok, hindi ito nakabilang sa pinal na lineup.

Gayunpaman, dahil sa potensyal at lalim ng naratibo, binigyang-daan ng Puregold na maisakatuparan ang proyekto bilang isang lingguhang digital na serye.

Ipinahayag ni Direk Dolly Dulu ng kanyang pasasalamat sa oportunidad na maisabuhay ang kwento. “Lubos akong nagpapasalamat sa pagkakataong maisapelikula ang ‘Si Sol at si Luna.

“Ang saya-saya ko lang, lalo na’t libre itong mapapanood sa YouTube kaya mas malawak ang maaabot ng kwento. Siyempre, masaya rin ako na ito ang kauna-unahang serye ng Puregold na mas malalim ang temang tinatalakay at damdaming inihahatid.”

Pinagtibay naman ni Ivy Hayagan-Piedad, senior marketing manager ng Puregold, ang tiwala niya sa bisyon ni Direk Dolly: “Lagi’t laging makahahanap ng tagapakinig ang magagandang kwento, ano man ang daang tahakin nito. Mula pa lang sa pitch, naantig na kami sa kwento ni Direk Dolly. Ikinararangal naming mabigyan ito ng liwanag at maibahagi sa mga manonood sa pamamagitan ng retailtainment platform ng Puregold.”

Ang ‘Si Sol at si Luna’ ay sumusunod sa yapak ng iba pang digital series ng Puregold Channel gaya ng ‘My Plantito, ’52 Weeks, at Ang Lalaki sa Likod ng Profile. Sa nakaraang mga taon, nanguna ang Puregold sa pagtataguyod ng lokal na kultura at mga alagad ng sining, kabilang na ang serye, OPM, at industriya ng pelikula.

Mapapanood na ang serye simula Mayo 31, Sabado, sa ganap na 7 PM sa Puregold Channel sa YouTube. Ang mga susunod na episode ay lalabas tuwing Sabado sa parehong oras.

Para sa mga karagdagang update at upang mapanood ang bawat bagong episode, mag-subscribe sa Puregold Channel sa YouTube, i-like ang @puregold.shopping sa Facebook, i-follow ang @puregold_ph sa Instagram at X, at @puregoldph sa TikTok.

(ROHN ROMULO)