Investment hub ng Pilipinas matagumpay na naibida sa 2023 World Economic Forum

MATAGUMPAY na naiparating ng Pilipinas sa World Economic Forum na bukas ang ating bansa sa mga negosyo.

Ayon kay House Speaker Martin Romualdez, naibida ng Philippine delagation sa World Economic Forum attendees ang pagiging premier investment hub ng Pilipinas.

Punto ni Speaker Romualdez na maraming multinational company na ang nagpa-planong magtayo ng opisina sa ating bansa, kabilang dito ang Morgan Stanley, BlackRock, Ferrovial at Sequoia.

Ito ay dahil sa magandang investment climate ng Pilipinas at kakayanan ng mga Pilipino sa pagta-trabaho.

Sabi ni Speaker, nagawang i-impressed ng Philippine delegation ang mga dumalo sa World Economic Forum dahil sa ipinakitang pagkakaisa.

“So people took notice of it and said that its obvious that the Philippines is back. We are open for business, we are here listening and we are inviting everyone to see why the Philippines would be the best destinations to invest,” pahayag ni Speaker Romualdez.

Napansin din ni Speaker Romualdez na marami ang nagpahayag ng interes sa Davos kaugnay sa isinusulong na Maharlika Investment Fund.

“So we demonstrate at the WEF and to the world that the President is joined with his economic managers in the Executive alongside with the leaders from the Legislature and we are working and marching in lockstep with him,” pahayag ni Romualdez. (Daris Jose)