INTERPOL BLUE NOTICE VS. REP. ZALDY CO, INIHAHANDA NA
- Published on September 27, 2025
- by @peoplesbalita
HIHILINGIN ng Department of Justice (DOJ) sa Interpol na mag-isyu ng ‘blue notice’ laban kay Ako Bicol Party-list Rep. Zaldy Co.
Sinabi ni Justice Secretary Jesus Crispin Remulla na inihahanda na nila ang blue notice pero pagtitiyak ng Kalihim na kasalukuyan na nilang pinoproseso.
Ito ay kaugnay pa rin sa pagkakasangkot ng mambabatas sa maanomalyang flood control projects.
“Yes we’re working on it. Yes, I’m asking Assistant Secretary Eli Cruz to help us with the blue notice,” pahayag ni SOJ Remulla.
Sinabi ng Kalihim na maraming mga impormasyon na bumungad sa kagawaran nitong nakaraan lamang kaya naman hindi agad maaaring madalian.
“Ano yan, we’re still digesting all of it kasi nga massive yung information na dumating the past two days. And it’s not that easy to digest everything,” ayon kay Remulla. (Gene Adsuara)