Inaming nagkaka-anxiety dahil sa mga tao: YASSI, ipinagdiinan na wala silang problema ni NADINE

INAMIN ni Yassi Pressman sa mediacon ng kanyang bagong teleserye na napapanood sa TV5, ang “Kurdapya” na nagkakaroon siya ng anxiety dahil daw sa mga tao.

Nang magkausap daw sila ni Nadine Lustre ay sinabi niya na, “Uy girl, nagkaka-anxiety ako sa mga tao.”

Ang taong tinutukoy ni Yassi nang tanungin nga namin ay ang mga netizens na namba-bash sa kanya.

Ang dahilan, ang relasyon ng kapatid niya na si Issa Pressman at James Reid. Pinararatangan si Yassi na traydor at hinayaang ahasin ng kapatid niya si James kay Nadine. Ito ay sa kabila na magkaibigan sila.

“Sige po, para tapos na po ha, isang beses ko lang ‘to sasabihin. Wala pong problema. Kami po ni Nadine, okay kami. Okay rin po ang buong pamilya namin.

“At siyempre po, bago po nag-public ang lahat, lahat po, naasikaso in private. So wala po kaming problema.”

Magkaibigan daw sila ni Nadine bata pa lang.

“Me and Nadine, we’re cool. We’re friends. We’ve been friends ever since we we’re kids kaya naman lahat po, okay po. At saka, ilang taon na rin po ‘to. So ‘yon, sana everybody, every one be happy.”

After nga ng mediacon, wala nang naka-interview kay Yassi kaya umiwas na rin itong talaga na pag-usapan pa ang isyu.

***

AFTER more than three years na hindi gumawa ng kahit anong teleserye, sigurado na nga raw ang pagbabalik ni Marian Rivera.

Kaya sigurado rin na magkakasabay silang mag-taping ng asawa na si Dingdong Dantes.

Wala raw problema dahil naka-bakasyon naman ngayon sa school ang dalawang anak na sina Zia at Sixto.

Bandang end daw ng April ang target na sisimulan ang taping. Drama pa rin pero ang chika, hindi masyadong gano’n ka-heavy dahil may twist daw.

As per Marian’s leading man, isa lang ang sinabi sa amin, hindi pa raw ito ever nakakapareha ng Kapuso Primetime Queen.

(ROSE GARCIA)