Inamin ni Carmina na hindi nila alam ni Zoren: MAVY, unti-unting bumukod at naki-share sa condo ng bestfriend

NAGING bukas naman sina Cassy at Mavy Legaspi tungkol sa pagpapalaki sa kanila ng celebrity parents nilang sina Carmina Villarroel at Zoren Legaspi.
“At a very young age, I believe I’ve always had a mature mindset. So I always ask ‘Why?’ I also want to understand. Para the next time, I’ll go home early because this. Pero I won’t accept, ‘Umuwi ka nang maaga kasi babae ka.’ Ah, tapos siya (Mavy), hindi. No way, doon tayo sa equality. Uwi tayo same time,” sabi ni Cassy.
Ngayong nasa edad na sina Mavi at Cassy, hinahayaan na sila nina Zoren at Carmina sa sarili nila. Pero tinitiyak pa rin nila na close pa rin ang bond nilang pamilya at open ang kanilang communication lines.
“Si Maverick ha? Para lang malaman natin na he’s out there. He’s on a journey. You know? Hanggang sa, ‘Hon ba’t ‘di pa umuwi ‘yan? Hanggang nalaman namin na merong ka-roommate pala ‘yan na bestfriend niya na naki-share sa condo unit ata.
“Na doon tumitira. Na hindi namin alam. Nandoon na pala namili ng mga furniture. Bumukod na hindi namin alam,” kuwento ni Zoren tungkol kay Mavy.
“Pero in fairness naman tatay, nagpaunti-unti naman siya. Hindi naman biglang ‘Uy nawala na ‘yung anak ko. Hindi naman gano’n. In-unti-unti naman,” singit ni Carmina.
Magkasama ang Legaspi Family sa GMA Afternoon Prime series na ‘Hating Kapatid.’
***
SUMIKAT sa kanilang YouTube videos ang promising singers na sina Aera at Jayheart.
Dahil sa tiyaga at pagmamahal sa musika, magkakaroon na sila ng 10-city US Tour.
Si Aera ay dating contestant sa season one ng ‘Tawag ng Tanghalan’ ng ‘It’s Showtime.’ Kahit hindi siya sinuwerte, tinuloy niya ang pagiging singer sa live streaming at pag-post ng videos sa social media.
Si Jayheart ay dating nagtatrabaho sa isang BPO company, pero binalikan niya ang hilig niya sa pag-awit at ginawa niya itong full-time career.
Nagkasama ang dalawa bilang mga performers sa The Maldives ng ilang taon at ngayon ay big break nila ang kanilang US tour para aliwin ang maraming kababayan natin with their music na mula sa ‘80s, ‘90s, ‘2000s at mga all-time OPM hits .
***
MARAMING naging pasabog si Kevin Federline sa book nito na ‘You Thought You Knew’ tungkol sa ex-wife niyang si Britney Spears.
Sangkot dito ang dating boyfriend ng singer na si Justin Timberlake.
Ayon kay Kevin, tinawagan daw ni Britney si Justin bago sila kinasal the next day.
“She was outside on the phone with Justin. I didn’t know that at the time. I didn’t know until she came into the room. I wasn’t out there, like, hovering over her while she was on the phone. I saw that she was upset.
“I thought that she maybe was talking to her mom or something. Pre-wedding jitters maybe… She just came out with it when I asked. She told me that she was speaking with Justin. She wanted to make sure that one chapter was closed before starting another one.”
Ramdam daw ni Kevin na hindi raw naka-get over si Britney kay Justin. Mahal pa rin daw niya ito kahit kasal na sila.
Tinawag ni Britney ang book na “gaslighting” at ginamit lang siya ni Kevin para pagkakitaan.
(RUEL J. MENDOZA)