Ilang Catholic schools, nagsuspinde ng klase sa February 25

ILANG Catholic schools na ang nagsuspinde ng klase sa Pebrero 25, 2026 upang bigyang-daan ang paggunita sa ika-40 taong anibersaryo ng EDSA People Power Revolution.

Nabatid na kabilang sa mga naturang paaralan na nag-anunsiyo na ng walang klase sa nasabing araw ay ang De La Salle Philippines, Ateneo de Manila University, at University of Santo Tomas.
Nauna rito, naglabas ng joint statement ang Catholic Educational Association of the Philippines (CEAP) at CBCP Episcopal Commission on Catholic Education (ECCE), na nananawagan sa mga Catholic schools at educational institutions na ideklara ang Pebrero 25 bilang isang academic holiday.

“Forty years later, the lessons of EDSA remain urgent. Democracy is never self-sustaining. It demands vigilance, active participation, and fidelity to truth. Governance must be anchored in accountability, respect for human rights, transparency, and service to the common good,” bahagi ng pahayag.