“I will be signing off as Acting Secretary of the Presidential Communications Office”- Chavez

NAGBITIW na sa puwesto si Presidential Communications Office (PCO) Acting Secretary Cesar Chavez.

Sa katunayan, nagsumite na si Chavez ng kanyang irrevocable resignation noong Pebrero 5, 2025.

“To use a broadcast parlance, I will be signing off as Acting Secretary of the Presidential Communications Office on February 28, 2025, or anytime earlier when my replacement is appointed,” ang nakasaad sa kalatas na ipinalabas ni Chavez.

Gayunman, sinabi ni Chavez na mananatili siyang “as a believer” ng administrasyon. Ipagpapatuloy nya ang pagsuporta rito kasabay ng pagsusulong ng kanyang pagsusumikap sa labas ng gobyerno at mananatili sa public service.

Sa kabilang dako, pinasalamatan naman ni Chavez si Pangulong Marcos para sa oportunidad na maglingkod, isa aniyang habang-buhay na karangalan na naging posible dahil sa tiwala at kumpiyansa ng Pangulo sa kanya.

“Although there is much for which I am grateful and a long list of people to thank, I leave with only one regret: in my estimation, I have fallen short of what was expected of me,” ang sinabi pa ni Chavez.

“It is to this fidelity to the truth—the bedrock belief to which I have anchored myself as a former broadcast journalist—that I must tell the unvarnished truth about my resignation,” aniya pa rin.

Simula aniya noong unang araw ng kanyang pagtatrabaho hanggang sa tumagal ng dalawang taon at 7 buwan, sinabi ni Chavez na “I have always served each day as if it were my last, and thus I strive to give my best. As I always remind those who work with me at PCO, I am only as good as my last performance.”

At pagdating ng huling araw, aalis siya ng may kaparehong sigasig, pasasalamat at pag-asa para mas magandang kinabukasan para sa bansa na minahal ng lahat.

“Dios Mabalos, Mr. President,” ang sinabi ni Chavez.

Samantala, ang dating TV reporter na si Jay Ruiz ang napili para maging kapalit ni Sec Chavez para mamuno sa PCO.

Gayunpaman wala pang opisyal na pahayag ang Malakanyang ukol dito.

(Daris Jose)