Hindi naman sinasara ang posibilidad: JEFFREY, loveless pa rin kaya hindi sila ni GENEVA

LOVELESS si Jeffrey Hidalgo.

Hindi totoong may relasyon sila ng kapwa singer at kapwa niya former member ng singing group na Smokey Mountain na si Geneva Cruz.

Ang natatawang reaksyon ni Jeffery, “BFFs, ano kami “loveteam”, pero tawag dun, iyon nga, we’re actually… dahil nga dun sa love team namin na ano siya e, organic nga siya di ba, na nagsimula siya nung pandemic tapos palagi na kaming magkasama.

“Although ngayon medyo hindi pa kami nagkikita madalas kasi medyo pareho kaming busy, pero palagi kaming nag-uusap.

“Pero yun nga, dahil nga dun sa aming “loveteam”, I’m trying to develop a film na kaming dalawa.”

Director at artista si Jeffrey sa binubuo niyang pelikula ni Geneva.

Si Geneva ba ay may love life?

“Alam ko wala din.”

So puwede naman pala maging sila…

“Tingnan natin,” at muling tumawa si Jeffrey, “palagi naman naming sinasabi hindi naman kami closed to the possibility, malay mo after namin mag-shoot? Joke lang. Ha! Ha! Ha!”

‘Nanay, Tatay’ na pelikulang kasali sa Sine Sindak: Ang Ika-5 Yugto Horror Film Festival.

Mula sa Viva Films at Happy Infinite Productions, Inc. at Studio Viva production, ang Nanay, Tatay ay sa panulat at direksyon ni Roni Benaid kung saan mga artista rin sina Andrea del Rosario, Aubrey Caraan, Heart Ryan, Elia Ilano, Billy Vileta at Xia Vigor.

Mula rin sa Viva Films at Viva Studio , JPHLiX Films, BLVCK Films at Pelikula Indiopendent ang Pasahero.

Kasali rin sa festival ang dalawang foreign horror film na The Thorn: One Sacred Night mula sa Indonesia at ang Japanese film na House Of Sayuri.

Mapapanood ang mga entries sa Sine Sindak 2024 exclusively sa mga SM Cinemas mula Oktubre 30 hanggang Nobyembre 5. (ROMMEL L. GONZALES)