Heat pinalamig ng Oklahoma Thunder

KUMANA si Shai Gilgeous-Alexander ng 29 points pa­ra banderahan ang nagdedepensang Thunder sa 124-112 pagpapalamig sa Miami Heat.
Ito ang ika-110 sunod na pagkakataon na bumi­ra ng higit sa 20 points si Gilgeous-Alexander.
Nagdagdag si Jalen Williams ng 19 points para sa ikatlong sunod na arangkada ng Oklahoma City (33-7).
Umiskor sina Chet Holm­gren at Ajay Mitchell ng tig-16 markers.
Bagsak ang Miami (20-19) sa pangatlong dikit na ka­malasan bagama’t nakahugot kay Andrew Wiggins ng 23 points tampok ang pitong three-pointers.

Nag-ambag si Tyler Her­ro ng 19 points kasunod ang 16 markers ni Pelle Larsson para sa Heat na na­hulog sa isang 13-point deficit sa third period matapos ang 15-0 atake ng Thunder.

Humugot din ang Oklahoma City ng 39 points mu­la sa 23 turnovers ng Miami.

Hindi nakalaro si Norman Powell para sa Heat da­hil sa kanyang lower back soreness.

Sa Sacramento, humataw si DeMar DeRozan ng 22 points at naging ika-23 player sa NBA history na umiskor ng 26,000 points sa 111-98 panalo ng Kings (9-30) sa Houston Rockets (22-14).

Tumipa si Zach LaVine ng 18 points para sa Sacramento at nagposte si Russell Westbrook ng 15 points, 10 assists at 6 rebounds.
Sa iba pang laro, ginu­lat ng Denver Nuggets ang Milwaukee Bucks, 108-104; tinalo ng Phoenix Suns ang Washington Wi­zards, 112-93; dinomina ng Atlanta Hawks ang Golden State Warriors, 124-111; lu­sot ang Minnesota Timber­wolves sa San Antonio Spurs, 104-103; panalo ang Orlando Magic sa New Orleans Pelicans, 128-118; nakatakas ang Toronto Rap­tors sa Philadelphia 76ers sa overtime, 116-115; at wagi ang Memphis Grizzlies sa Brooklyn Nets, 103-98.