Gumagawa ng pekeng PWD ID’s arestado

ARESTADO  ang tatlong indibidwal na namemeke ng PWD Id’s  sa isinagawang entrapment operation ng mga tauhan ng Manila Police District (MPD) nitong Miyerkules.

Kinilala ang mga suspek na sina Marites Esedera y Goco, 34; Erdie Macaspac y  Garcia, 49; at Michelle Janaban y Ronquillo,31 na pawang residente ng Sta.Cruz, Manila.

Bago ang entrapment operation, nakatanggap ng tip ang mga operatiba  mula sa confidential informant kaugnay sa pagmamanupaktura at pagbebenta ng pekeng PWD IDs  sa Quezon Boulevard sa Sta.Cruz,Manila.

Narekober din ang ilang piraso ng ebidensya mula sa mga suspek tulad ng computer at ilang mga kagamitan na ginagamit sa paggawa ng pekeng IDs  at isang piraso ng finished product  ng pekeng PWD ID  na ibinenta sa mga operatiba.

Mahaharap sa kasong falsification of Public Documents  at manufacturing and Possession of Instruments for Falsification  sa Manila City Prosecutor laban sa mga suspek. (Gene Adsuara)