Gobyerno, inatasan ang DoLE na palakasin ang pagsisikap laban sa illegal recruitment

INATASAN ni Pangulong Rodrigo Roa Duterte ang Department of Labor and Employment (DOLE) na paigtingin pa ang pagsisikap nito laban sa illegal recruitment.

Ipinag-utos ng Pangulo sa DOLE na magkaroon ng mas maraming manpower at isama ang kapulisan sa pagtugon sa labor issue.

“So you fortify the anti-illegal task force,” ang sinabi ni Pangulong Duterte kay Labor Secretary Silvestre Bello III.

“Okay na ‘yung iba. But I want kapag may mag-report, follow up agad ang police,” ayon pa sa Kalihim.

Aniya pa, nais niyang magtatag ng unit o tanggapan sa Philippine National Police para sa anti-illegal recruitment efforts.

Ipinanukala rin ni Pangulong Duterte na magbigay ng ilang buwan ng pagsasanay at pagtuturo ukol sa labor crime laws sa mga pulis para makatulong na puksain ang illegal recruitment. (Daris Jose)