Give it your best shot- Malakanyang

GOOD LUCK!

Ito ang mensahe ng Malakanyang sa mga bar takers ngayong taon sabay sabing “give it your best shot.”

“We wish good luck and godspeed to the more than 11,000 barristers taking the bar exams being held today and on Sunday February 6,” ayon kay acting presidential spokesperson at Cabinet Karlo Nograles.

“Give it your best shot and make your family, your alma mater, and your community proud. This is indeed your moment,” dagdag na pahayag nito.

Pinuri naman ni Nograles ang Korte Suprema, Metropolitan Manila Development Authority, local government units, at school authorities, para maging posible ang bar examinations ngayong taon.

Ito ang kauna-unahang bar exam simula nang magsimula ang COVID-19 pandemic sa Pilipinas.

May ilang daan sa Kalakhang Maynila ang isinara para sa bar exams.

Pinaikli naman ng Mataas na Hukuman ang pagssuuri sa dalawang araw, Pebrero 4 at Pebrero 6.

Nauna rito, ipinagpaliban ng Korte Suprema ang bar exams na dapat ay idinaos noong Nobyembre ng nakaraang taon upang tiyakin ang kaligtasan ng  bar applicants at personnel sa gitna ng COVID-19 pandemic. (Daris Jose)