Fully vaccinated healthcare medical workers, puwede ng mag-avail ng booster shots- Nograles

SIMULA bukas, Nobyembre 17 ay maaari nang mag-avail ng booster shots ang lahat ng fully vaccinated healthcare medical workers.

Pinagtibay ni Acting Presidential Spokesperson Cabinet Secretary Karlo Nograles ang public advisory na ipinalabas ng Department of Health (DOH) ukol sa bagay na ito.

“Uulitin ko po, para po muna ito sa A1 healthcare workers… Hintayin na lamang po natin ang Guidelines na ilalabas ng National Vaccination Operations Center,” ayon kay Nograles.

Base sa Emergency Use Authorization na ipinalabas ng Philippine Food and Drug Administration, inirekomenda ng DOH recommends ang paggamit sa Moderna, Pfizer, at Sinovac vaccines bilang booster doses, kahit na ano pa ang vaccine brand na ginamit bilang primary series.

Sa nasabi pa ring virtual press briefing, iniulat naman ni Department of Education (DepEd) Undersecretary Nepomuceno Malaluan na ang unang araw ng pilot implementation ng face-to-face classes ay matagumpay.

Sinabi ni Usec. Malaluan na kumpiyansa ang DepEd na ang ahensiya ay magagawang magsagawa ng matagumpay na pilot phase preparation para sa pagpapalawig ng expansion phase at reintroduction ng face-to-face classes sa lahat ng eskuwelahan sa buong bansa sa 2022. (Daris Jose)