FPRRD, tanggap nang mamamatay sa ICC prison- VP Sara

HANDA at tanggap na umano ni dating Pangulong Rodrigo Duterte na posibleng bawian na siya ng buhay sa loob ng detention facility ng International Criminal Court (ICC) sa The Hague, Netherlands.

Ito ang kinumpirma ni Vice President Sara Duterte, kasunod ng naging manipesto ng dating pangulo sa korte na hindi na ito dadalo sa mga itinakdang pagdinig para sa kanyang confirmation of charges.

Ayon sa Bise Presidente sa isang interview, tuluyan na ring isinantabi ng kanilang pamilya ang pag-asa na makakabalik pa ng Pilipinas ang nakakatandang Duterte.

Dagdag pa ng pangalawang pangulo, nakasaad mismo sa opisyal na dokumento ng kanyang ama sa ICC ang pagtanggap nito sa kanyang sinapit sa kamay ng international tribunal. (Daris Jose)