First time na nagpaka-daring sa ‘Desperada’… YASSER, nag-enjoy sa matitinding love scenes nila ni ROBB

MARKADO ang papel ni Yasser Marta sa pelikulang “Desperada” na isa sa entry sa 8th Sinag Maynila Independent Film Festival.
Tampok dito si Robb Guinto, bilang isang babaeng biktima ng pananamantala na kinupkop sa isang mental asylum.

Paano niya ide-describe ang kanilang pelikula na pinamahalaan ng batikang direktor na si Louie Ignacio?

Tugon ni Yasser, “Ang Desperada kung aking i-describe, ito ay movie na nagpapahalaga sa mga taong may mental health issues and sa mga taong naligaw ng landas pero bumabangon, lumalaban at nagmamahalan pa rin.”

Ginagampanan niya rito ang papel na si Lucio, na isang drug addict dahil pinagmalupitan at pinagsamantalahan ng isang makapangyarihang militar.

Nagpa-sexy ba siya rito?

“Opo, may mga scenes na sexy po talaga,” tugon ng Kapuso aktor.

Tampok din sa pelikula sina Mhack Morales, Sue Prado, Mercedes Cabral, Marife Necessito, Julianne Richards, Adda Musni at Jorge Guda.

Nabanggit din ng aktor na very daring ang love scene nila rito ni Robb.

Aniya, “Yes, may ilang love scenes kami ni Robb, para sa akin very daring ito, it’s my first time na gumawa ng ganito ka-daring at masasabi kong nag-enjoy po ako dahil hindi siya bastos tignan and very art form ang attack ni direk Louie.”

Actually, bukod sa love scene nila ni Robb, dito’y may mainit na threesome sina Robb, Yasser, at Mhack.

Bakit kailangang panooorin ang kanilang movie?

“Bihira na lang po ang ganitong movie, very raw, very real at pang-masa talaga,’ seryosong pahayag ni Yasser.

Incidentally, nagpakita ng isang solidong performance sa pelikula si Yasser. Of course, mahusay dito si Robb, pati na si Mhack.
Ano ang masasabi niya kay Robb as an actress at kay Direk Louie?

“Isa sa mga dahilan kung bakit ako nahulog kay Robb ay dahil sa galing niya sa trabaho, mahal niya ang craft niya talaga.

“Kay direk Louie naman po, napakagaling niyang director, isang karangalan ang makatrabaho ko siya. Napakama-alaga niya sa artista, hindi ka pababayaan at naka-guide si Direk sa buong movie.”

On-going na ngayon ang Sinag Maynila filmfest at magtatapos ito sa March 29.

Handog ng LDG Production nina Lito de Guzman at Daniela Carolino, ang Desperada ay mapanood sa mga piling sinehan sa Metro Manila kabilang ang mga sinehan sa Gateway Cineplex, Eastwood Cinemas, Uptown Cinemas, Venice Cineplex, at Lucky Chinatown Cinemas.

(NONIE V. NICASIO)