Fernandez humirit sa DBM

NAKIUSAP ang Philippine Sports Commission (PSC) sa Department of Budget and Management (DBM) para makuha sa lalong madaling panahon ang P397M pondo na gugugulin sa trainings at competitions ng mga atleta para sa ngayong taon.

Ipinahayag Biyernes ni PSC Commissioner Ramond Fernandez, na sumasakop ang halaga para sa 31st Southeast Asian Games 2021 sa Hanoi, Vietnam sa Nobyembre 21-Disyembre 2 na P200M,  32nd Summer Olympic Games 2020 sa Tokyo, Japan sa Hulyo 23-Agosto 8 na P150M;

11th ASEAN Para Games 2021 sa Hanoi, Vietnam din sa Disyembre 17-23 na may P30M at 16th Paralympic Summer Games sa Tokyo, Japan din sa Agosto 24-Setyembre 5 na mayroon namang pondong P17M.

Ginawa ng opisyal na siya ring Team Philippines chef-de-mission sa Vietnam SEA Games ang pahayag kasunod sa training bubble na rin ng SEAG-bound athletes sa Inspire Sports Academy sa Calamba, Laguna, Laguna simula sa April 15.

Unang nagkaroon na ang PSC Olympic training bubble sa nabangit na lugar sa ikalawang lingo nitong Enero. (REC)