Estudyante isinelda sa P136K shabu sa Valenzuela

KULONG ang 20-anyos na estudyante matapos makuhanan ng nasa P136K halaga ng shabu sa isinagawang buy bust operation ng pulisya sa Valenzuela City, kahapon ng madaling araw.

Pinuri ni Northern Police District (NPD) District Director PBGEN Ponce Rogelio Peñones Jr ang Valenzuela City Police sa pamumuno ni P/Col. Salvador Destura Jr, sa pagkakaaresto sa suspek na kinilala bilang si Jake Portugana, 20, grade 11, Street Level Indivedual (SLI), at residente ng Pearl island, Brgy., Lawang Bato.

Ayon kay Col. Destura, dakong alas-5:00 ng madaling araw nang magsagawa ang mga operatiba ng Station Drug Enforcement Unit (SDEU) sa pangunguna ni PCPT Joel Madregalejo ng buy bust operation sa Santolan Footbridge, Service Road, Brgy., Gen T De Leon kung saan isang undercover police ang nagawa umanong makipagtransaksyon sa suspek ng P12,000 marked money.

Nang matanggap mula sa kanyang kasama na nagsilbing poseur-buyer ang pre-arrange signal na hudyat na nakabili na siya ng shabu sa kanilang target ay agad lumapit ang back-up na operatiba inaresto ang suspek.

Nakumpiska sa suspek ang apat heat sealed transparent plastic sachet kabilang ang (object of sale) na naglalaman ng humigi’t kumulang 20 grams na may Standard Drug Price Php136,000.00, buy bust money na isang P500 bill at 23 pirasong P500 boodle money, P400 seized money, cellphone, coin pouch at isang motorsiklo.

Ani PCpl Christopher Quiao, mahaharap ang suspek sa kasong paglabag sa RA 9165 o ang Comprehensive Dangerous Drug Act of 2002. (Richard Mesa)