Employment opportunities para sa senior citizens, pinapalawig

INAPRUBAHAN ng House Committee on Senior Citizens na pinamumunuan ni United Senior Citizens Party-list Rep. Milagros Aquino-Magsaysay nitong Martes ang ilang consolidated bills na magpapalawig sa employment opportunities para sa senior citizens.
Kabilang sa inaprubahan ang pinagsama-samang House Bills (HBs) 7319, 7568, 8940, 9792, 10133, at 10138. Ang consolidated bill, kapag naisabatas, ay aamyendahan ang Republic Act (RA) No. 7432, o “Expanded Senior Citizens Act of 2010.”
Sinabi ni Aquino-Magsaysay na kaya pa namang magbigay ang mga senior citizens ng kontribusyon sa sosyedad at dapat na bigyan pa ng pagkakataon.
Iginiit nito na ang “objective is to ensure that senior citizens are not merely represented, but that their voices are genuinely heard, meaningfully considered, and effectively reflected in decision-making, particularly at the community level."
Inaprubahan din ng panel ang HB 190, na inihain ni Aquino-Magsaysay, na nagmamandato sa pagkakaroon ng mga senior citizens day care center sa bawat barangay. 
Magsisilbi ang center bilang lugar kung saan magagawa ng mga seniors na “can sing, dance, and maging busy the whole day with the livelihood or anything na activities para masaya sila the whole day at hindi lang ‘yon, para maproteksyunan sila kaysa nasa bahay sila mag-isa o wala silang ginagawa."
(VINA de GUZMAN)