DSWD dumulog sa NBI para imbestigahan ang pang-hahack sa kanilang social media accounts; 4.3-M pamilya natulungan ng 4P’s

Published on January 17, 2023
by @peoplesbalita

DUMULOG na sa tanggapan ng National Bureau of Investigation (NBI) ang pamunuan ng Deparment of Social Welfare and Development (DSWD) kaugnay sa nanyaring pang hahack sa kanilang social media accounts.

Magugunita na dinagsa ang DSWD ng mga benepisyaryo ng Sustainable Livelihood Program (SLP).

Ayon kay DSWD officer-in-charge Undersecretary Eduardo Punay na wala pa silang aplikasyon sa nasabing programa at wala pang pamamahagi ng assistance ukol dito.

Sa ngayon patuloy nang inaayos ng DSWD ang kanilang social media accounts.

Dahil dito, muli namang pinaalalahanan ni Punay sa benepisyaryo ng DSWD na makipag-ugnayan muna sa kanilang tanggapan bago maniwala sa mga kumakalat na balita sa online para sa kanilang mga payouts.

Samantala, nasa 4.3 milyong pamilya ang natulungan ng Pantawid Pamilyang Pilipino Program (4Ps) sa ilalim ng administrasyon ni Pangulong Ferdinand R. Marcos Jr. noong 2022.

Ayon kay Punay, ang mga nakakatanggap ng tulong noong 2022 ay 98.3% ng kanilang target.

Dagdag pa ni Punay, nasa P100 bilyon ang budget na inilaan para sa 4Ps.

Samantala, 4.4 milyong indibidwal naman ang natulungan ng Assistance to Individuals in Crisis Situation (AICS) program, higit na mataas kaysa sa 1.2 milyong target ng DSWD. (Daris Jose)