Donaire aminadong nayanig kay Inoue

INAMIN ni Nonito “The Filipino Flash” Donaire na bukod tanging si Japanese fighter Naoya Inoue ang naglatag ng pinakama­lakas na suntok na kanyang tinamo sa kanyang buong boxing career.

Lumasap si Donaire ng second-round knockout loss kay Inoue para ipaubaya na ang kanyang World Boxing Council (WBC) bantamweight belt kamakalawa ng gabi sa Saitama, Japan.

Dahil dito, si Inoue na ang nagmamay-ari ng tatlong korona — ang WBC, ang World Boxing Association (WBA) at International Boxing Federation (IBF).

“That was the hardest punch I’ve ever been hit with. I came up completely blank,” pahayag ni Donaire.

Sinubukan nitong ma­kipagsabayan subalit hindi nito nagawang makasabay sa bilis at liksi ng Japanese pug.

“When I got hit I didn’t even know I got dropped. I didn’t see that punch co­ming at all because I was trying to counter him and got caught. That was pretty much it,” ani Donaire.

Pinuri ni Donaire ang magandang ipinamalas ni Inoue na tunay na naghanda sa laban.

“He’s an amazing fighter and I’m glad I got to share the ring with him. Inoue got me really good and I’m glad the referee stopped the fight as I was always going to stand up — I just don’t have any quit in me,” ani Donaire.

Sa kabila ng kabiguan, masaya na si Donaire na wala  itong tinamong ma­tinding injury at ligtas ito sa anumang kapahamakan.