DOH, umaasang magpapatuloy na ang pagbaba ng Covid -19 cases sa NCR

UMAASA ang Department of Health (DoH) na magtutuluy-tuloy na ang pagbaba o ang downtrend ng mga Covid-19 cases sa bansa partikular na sa Metro Manila, lalo na’t wala nang malalaking event na inaasahan sa mga susunod na araw.

Ito ang sinabi ni DOH Usec. Maria Rosario Vergeire sa ginanap na Malakanyang Public Briefing.

Subalit, ayon kay Vergeire, dapat paring tandaan ng lahat na hindi lamang mass gatherings ang dahilan ng pagtaas ng kaso kundi pati narin ang galaw o mobility ng mga tao.

Kahit hindi kasi aniya magkaroon ng mga pagtitipon pero kung hindi naman nasunod ang mga health protocols sa paglabas ng bahay, malaki parin ang tsansang makapitan ng virus o ng Omicron variant na mabilis makapanghawa.

Kaya ang payo ng health official, patuloy na isaalang alang ang pagtalima sa mga components ng minimum public health standards para tuluy-tuloy na ang pagbaba ng mga kaso na unang namataan sa NCR.

Habang sa mga unvaccinated naman aniya, tiyakin na makakapagpaturok ng ng bakuna para masiguro ang proteksyon at kaligtasan laban sa virus.