DOH, Quezon City LGU sanib puwersa sa ayuda sa kalusugan ng mga residente

NAGTULUNGAN ang ­Quezon City LGU at Department of Health (DOH) sa pagkakaloob ng libreng health at wellness assessment services para sa mga residente ng Barangay Loyola Heights sa pamamagitan ng programang PuroKalusugan bilang bahagi ng pagdiriwang ng National Heart Month at National Cancer Awareness Month ngayong Pebrero.

Sa ilalim ng PuroKalusugan tinitiyak nitong ang bawat residente ay makakatanggap ng mahusay na healthcare services na kanilang kailangan.

Nakapaloob sa  Health risk assessments ang blood pressure (BP) monitoring, body mass index (BMI) calculation, fasting blood sugar (FBS) testing, cholesterol scree­ning, at persona­lized health check-ups na pangangasiwaan ng mga healthcare professionals.

Samantalang,libre ring ipinagkaloob ang  maternal health, early cancer screening  upang mai-promote ang isang komprehensibong approach para mapangalagaan ang kalusugan ng mamamayan.

“A healthier city starts with residents that are aware, educated, and have access to essential health services. Through programs like PuroKalusugan and our calorie labeling ordinance, we are empowering our citizens to make informed food choices that support a healthier lifestyle and their long-term well-being”sabi naman ni Mayor Joy Belmonte.