Djokovic nagtala ng record sa kasaysayan ng tennis

NAHIGITAN na ni Novak Djokovic ang record ni retired tennis star Roger Federer sa may pinakamaraming Grand Slam singles na nilaro.

Nangyari ito matapos na talunin niya si Jaime Faria ng Portugal sa ikalawang round ng Australian Open sa score na 6-1, 6-7(4/7), 6-3, 6-2.

Ito na ang pang-430 na Slam contest ni Djokovic kung saan mayroong 429 lamang si Federer at 423 si Serena Williams.

Ang pagpasok ni Djokovic sa ikatlong round ay siyang pang-17 magkakasunod na taon na kaniyang naitala.

Kahit na matalo aniya ito ay labis na siyang nasisiyahan dahil sa nakapagtala na ito ng record sa tennis.

Susunod na makakaharap nito sa ikatlong round si Tomas Machac ng Czech Republic.