DATING KONSEHAL NG MAYNILA ARESTADO NG NBI
- Published on May 23, 2025
- by @peoplesbalita
ARESTADO ng National Bureau of Investigation (NBI) ang isang indibidwal na dating konsehal ng Maynila na may outstanding warrant of arrest for Kidnapping for ransom.Kinilala ni NBI Director Jaime Santiago ang inaresto na si Roderick Dayanan Valbuena na kabilang sa limang akusado sa kidnapping na inihain sa RTC Branch 61, sa Makati City.
Napag-alaman na nakatanggap ng impormasyon ang NBI na lalapag si Valbuena sa Pilipinas sa NAIA Terminal sa Pasay mula Las Vegas kaya agad nagpakalat ng mga tauhan mula sa NBI-International Airport Investigation Division (IAID) .
Siya ay dinala sa NBI-National Capital Region para sa dokumentasyon at agad ding siyang itinurn-over sa kostudiya ng NBI detention facility sa Muntinlupa City .
Si Valbuena ay matagal nang wanted dahil sa kinakaharap na kaso.
(Gene Adsuara)