Dating DOTr exec Mon Ilagan, bagong PCO Undersecretary

KINUMPIRMA ni Presidential Communications Office (PCO) Acting Secretary Dave Gomez na kasama na sa pamilya ng PCO ang dating broadcast journalist na si Mon Ilagan.

Si Ilagan ay itinalaga bilang Undersecretary for Operations ng Presidential Communications Office (PCO).

Nilinaw ni Gomez na hindi papalitan ni Ilagan si Presidential Communications Office Undersecretary at Palace Press Officer Claire Castro.

Nauna rito, si Ilagan ay nagsilbi bilang assistant secretary at spokesperson ng Department of Transportation.

Bago pa pumasok sa gobyerno, siya ay veteran reporter para sa ABS-CBN.

Nagsilbi rin siya bilang Alkalde ng Cainta, Rizal mula 2004 hanggang 2013 at sa kalaunan ay naging tagapagsalita ni dating vice president Jejomar Binay sa panahon ng 2016 presidential race. (Daris Jose)