Darlene Berberabe, pinalitan si Menardo Guevarra bilang Solicitor General

ITINALAGA ni Pangulong Ferdinand Marcos Jr., si dating PAG-IBIG Fund CEO Darlene Marie Berberabe bilang susunod na Solicitor General.

Papalitan ni Berberabe, kasalukuyang dean ng University of the Philippines (UP) College of Law, si Menardo Guevarra.

Sa ulat, sinabi ni Guevarra na masaya siya para kay Berberabe, kung saan ay inilarawan niya ito bilang isang top-caliber lawyer na may kahanga-hangang background ng pamamahala.

Para kay Guevarra, magbabalik siya sa kanyang pribadong buhay.

“As for me, maybe it’s time to go back to a quiet and peaceful private life,” ayon pa rin kay Guevarra. (Daris Jose)