DA: “Benteng Bigas, Meron Na” outlet, palalawakin sa Metro Manila

PALALAWAKIN pa ng Department of Agriculture (DA) ang “Benteng Bigas, Meron Na” outlet sa Metro Manila upang mas maraming mamamayan ang mahatiran ng mas abot-kayang bigas para sa vulnerable sectors.

Ayon kay DA Secretary Francisco Tiu Laurel, limang ‘Benteng Bigas’ outlets ang ilalagay sa bawat local government units (LGUs) sa MM.
Sa pamamagitan nito, sinabi ni Tiu-Laurel na mas mapapalapit ang mga constituents ng mga LGUs na makabili ng mas murang bigas.

Target ng ahensiya ang isang full-scale expansion ng programa hanggang sa matapos ang March 2026 para maihanda sa panahon ng anihan at ma-maximize ang suplay ng bigas.
Uunahin sa expanded Metro Manila rollout ang mga senior citizens, solo parents, persons with disabilities, Pantawid Pamil­yang Pilipino Program (4Ps) beneficiaries, minimum wage earners, miyembro ng tricycle ope­rators and drivers associations, magsasaka at mangingisda.

Una nang nakipag-ugnayan ang Technical working group sa MMDA at Metro Manila LGUs para sa maayos at mabilis na pagpapatupad ng ­programa.