Creamline nagkampeon sa PVL matapos ilampaso ang Akari

MULING nakuha ng Creamline Cool Smashers ang kampeonato sa PVL matapos tapusin ang pangarap ng AKARI sa winner-take-all title game.

Nangibabaw ang Creamline sa score na 25-15, 25-23, 25-17 para maitala ang ika-siyam na kampeonato.

Hindi naman nakapaglaro sa Creamline sina Alyssa Valdez, Tots Carlos, Jema Galanza at Jia de Guzman dahil sa pagkakaroon ng injuries, may national duties o nasa ibang bansa.

Itinuturing na ang Creamline bilang pinakamagaling koponan ng PVL dahil ito na ang pang-16th podium finish at 12th final appearance.

Tinanghal naman bilang finals Most Valuable Player si Bernadeth Pons.