COTY contenders, handa ng lumantad

NAKAHANDA na ang 2020 Luzon Gamecock Breeders Association (LGBA) Cocker of the Year series second leg sa Lunes, Marso 9, sa Pasay City Cockpit.

Inihayag kahapon ni LGBA president Nick Crisostomo, na pagkaraan ng 7-bullstag derby sa Marso 9, 16 at 23, maaaring lumitaw na ang top 10 COTY contenders. Sisiyapol ang ikatlo at huling leg Encuentro 5-Bullstag Derby sa Abril 3 na mga itataguyod ng Sagupaan Superfeeds at Complexor 3000.

Nakatrangko sa COTY sa 6.5 points sina LGBA founding members Jeffrey at Aylwyn Sy ng Jam SB Sagupaan Winning Line. Humihinga sa batok nila sa 6 markers sina Mayor Rommel Romano ng RVR GF, Nelson Uy/Dong Chung ng HMG, lawyer Jun Caparroso ng Jungle Wild at Jimmy Junsay/Dennis Reyes/Ed Ladores na may dalawang manok.

Samantala, larga ang taunang Jerald Cup 4-Cock Derby sa PCC sa Biyernes, Marso 6.

Mangyaring alamin ang iba pang mga detalye kina Erica at Ace sa 0945 4917 474, 0939 4724 206, 8843 1746 at 8816 6750. (REC)