Chinese Research Vessel namataan sa Batanes

NAMATAAN na naglalayag sa bahagi ng Batanes ang isang Chinese Research Vessel, ayon sa Philippine Coast Guard (PCG) Agad namang ipinag-utos ni PCG Commandant Admiral Ronnie Gavan ang paged-deploy ng PCG Islander 4177 para imonitor at radyuhan ang Chinese vessel na Zhong Shan Da Xue. Alas-8:00 Martes ng umaga nang mamataan ng PCG ang Chinese vessel sa layong 78.21 nautical miles northeast ng Itbayat, Batanes. Ayon kay PCG Spokesperson for the West Philippine Sea Commodore Jay Tarriela, ilang beses na nag-radio challenge ang PCG Islander sa barko ng China pero hindi sumagot ang mga ito. Iginiit ng PCG na walang karapatang magsagawa ng marine scientific research ang Chinese vessel sa loob ng ating Exclusive Economic Zone. Ayon pa sa PCG, malinaw na paglabag ito sa United Nations Convention on the Law of the Sea (UNCLOS) at Philippine Maritime Zones Act. (Gene Adsuara)

https://dzar1026.ph/wp-content/uploads/2024/05/namataan-sa-eez.jpg