Cheng muling papapako sa F2 Losgistics Cargo Movers

NASA F2 Logistics Cargo Movers ng semi-professional Philippine SuperLiga (PSL) ang star volleyball player na si Desiree Wynea ‘Des’ Cheng sapul noon pang taong 2016.

At base sa kanyang Instagram account story, wala siyang planong tumawid ng liga (professional Premier Volleyball League) o lisanin ang kasalukuyang koponan.

Nagkaroon ng tanungan kasama ang mga netizen/sport fan na rito’y sasagot ng  “true o false” lang ang ang 24 na taong-gulang, may taas na 5-8 na volleybelle sa mga tanong sa kanya.

At sa usisa ng isang fan/netizen sa plano niya sa pagbabalik ng liga sa buwang ito sa pamamagitan ng PSL Beach Volleyball Challenge Cup sa Subic, Zambales : “False. Love this team so much! Especially the management and the Uy family.”

Hahambalos ang nakatakdang tatlong araw na torneo sa Pebrero 25-27. Tengga pa ang liga buhat noong Marso dahil sa Coronavirus Disease 2019 pandemic. (REC)