Calvin Abueva pinagmulta ng P20-K dahil sa pag-akusa sa mga referee ng pagtanggap ng pera

PINATAWAN ng P20,000 na multa si Converge FiberXers player Calvin Abueva matapos ang negatibong pahayag nito sa opisyal ng PBA.

Nangyari ang insidente na pagkatalo ng Converge laban sa Barangay Ginebra nitong Linggo.

Ipinatawag si Abueva ng mga opisyal ng PBA matapos na sumigaw ng “Paldo referee” at “Apat silang paldo” bilang pagpapahayag ng kaniyang pagkadismaya sa kanilang pagkatalo 99-93.

Hindi na ito pinatawan pa ng suspension at tanging minultahan lamang siya matapos makuha sa video ang kaniyang pagsigaw.

Humingi naman ng kapatawaran si Abueva noong ito ay ipinatawag siya sa opisina ni PBA Commissioner Willie Marcial.