Bunsod ng giyera sa Gitnang Silangan… Work-from home setups at online classes, panukala ni Parañaque City Rep. Brian Raymund Yamsuan

SA GITNA ng tumataas na presyo ng mga pangunahing bilihin, presyo ng gasolina at crudo, bukod sa nakaambang pagtaas ng kuryente bunsod sa giyera sa gitnang silangan, pinanukala ni Parañaque City Rep. Brian Raymund Yamsuan ang pansamantalang work-from home setups at online classes bilang tugon sa kakaharaping crisis bunsod ng lumalalang sigalot sa Gitnang Silangan.
“We should act fast to ease the burden on our countrymen if oil prices continue to spike. We call on the government and the private sector to start planning the temporary transition to work-from-home setups for employees, and for schools to prepare for online classes,” sinabi ni Yamsuan.
“These are the steps that we can immediately take para makatulong sa ating mga kababayang unang tatamaan ng epekto nang patuloy na pagtaas ng presyo ng langis kung magtagal pa ang krisis sa Middle East,” aniya.
Sinabi ni Yamsuan na ang sektor ng transportasyon ang pinakaunang maaapektuhan ng krisis sa supply ng krudo sa pandaigdigang pamilihan.

Ang napipintong pagtaas ng presyo ng krudo ay bunsod sa banta ng Iran na haharangin ang Strait of Hormuz, na kung saan one fifth ng supply ng langis ng buong mundo ay dumadaan sa makitid nitong daluyan.

Umabot na sa $82.57 per barrel ang presyo ng krudo nitong Huwebes, ayon sa mga news reports. Ayon sa Department of Energy (DOE), maari pang umakyat ng P10 kada litro sa mga susunod na araw kung patuloy pa ang giyera sa pagitan ng US, Israel at Iran.
(Vina de Guzman)