Bilis ng transmission ng Lambda variant, masusing pinag-aaralan

HANGGANG sa kasalukuyan ay patuloy na pinag-aaralan pa rin ang bilis na makapanghawa ng Lambda variant na nagmula sa bansang Peru at ngayo’y nakapasok na sa Pilipinas.

Ito’y matapos na makapagtala ang Pilipinas ng unang kaso ng COVID-19 Lambda variant, ayon sa Department of Health (DOH).

Sa Laging Handa public briefing, sinabi ni Phil. Genome Center (PGC) Director for Health program Dra. Eva cutiongco dela paz, na base sa pag-aaral ng mga siyentipiko, hindi pangkaraniwan ang mga mutation ng Lambda variant na dahilan kung bakit mabilis itong makapanghawa gaya ng ibang variant.

Aniya, nakita ang mutation ng variant na ito sa kanyang spike protein na siyang ginagamit para kumapit sa bahagi ng katawan na nais nitong salakayin.

Subalit, nilinaw ni Dela Paz na hindi pa maituturing na variant of concern ang Lambda lalo pa’t wala pa pag-aaral na nagsasabing walo sa sampung indibidwal ang maaari nitong mahawaan.

Kung matatandaan, noong nakalipas lamang na buwan ng hunyo idineklara ng World Health Organization o WHO na variant of interest pa lamang itong Lambda variant. (Bishop Jesus “Jemba” M. Basco)