BARKONG PANGISDA NG CHINA, TINULUNGAN NG PCG

NIRESPONDEHAN ng Philippine Coast Guard (PCG) ang isang barkong pangisda ng China sa bahagi ng baybayin sakop ng Eastern Samar.

Ayon kay Commodore Arman Balilo, nakatanggap ng distress call ang PCG ngayon umaga mula sa dayuhang barko na may pangalang KAI DA 899 kaya agad rumisponde ang coast guard personnel.

Sa inisyal na impormasyon, binayo ng malalakas na alon ang dayuhan barko dahil sa masamang panahon SA nasabing lugar.

Patungo na sa kinalalagyan ng Chinese vessel ang MRRV 4409 o ang BRP Suluan ng PCG para tumulong sa dayuhang barko. GENE ADSUARA