Barbosa tiwalang makakapasa sa Olympic Qualifying Tournament

KUMPIYANSA!

Iyan ang saloobin ni 30th Southeast Asian Games Philippines 2019 men’s taekwondo 54-kilogram gold medalist Kurt Barbosa sa susuunging Olympic Qualifying Tournament (OQT) sa Amman, Jordan sa papasok na buwan.

Nakabilang ang 21 anyos, isinilang sa Bangued, Abra, pambato ng National University at 2018 University Athletic Association of the Philippines (UAAP) Most Valuable Player-Rookie of the Year, sa limang pinili ng Philippine Taekwondo Association (PTA) para sa three-month bubble training sa Inspire Sports Academy sa Calamba, Laguna.

Kasabayan niya OQT ‘Calambubble’ training sina Pauline Louise Lopez, Kirstie Elaine Alora, Arven Alcantara at Samuel Thomas Morrison. Pero apat lang ang ipapadala ng PTA sa OQT sa Marso.

“Sa pagsisikap po naming lahat, tiala akong may papasa amin sa Jordan OQT,” aniya nitong isang araw. (REC)