Balota para sa BARMM inuna nang iimprenta ng Comelec

INUNA na ng Commission on Elections (Comelec) na iimprenta nitong Linggo ng umaga ang mga balota para sa Bangsamoro Autonomous Region in Muslim Mindanao (BARMM) na gagamitin sa national and local elections sa Mayo 9.

Sinabi ni Comelec spokesperson James Jimenez na nasa kabuuang 2,588,193 balota para sa BARMM ang kanilang iiimprenta. Unang iimprenta ang mga balota para sa Lanao del Sur na aabot sa 685,643.

Bukod dito, nauna na ring iimprenta ng National Printing Office (NPO) ang 60,000 balota para sa local absentee voting (LAV) ballots noon pang Enero 20.Nitong Linggo naman natapos na ng NPO ang pag-imprenta sa manual ng LAV at overseas absentee voting ballots.

Una nang sinabi ng Comelec na mahigit sa 67 milyong official ballots ang kanilang iimprenta para sa 2022 national and local elections. (Daris Jose)