BAGONG KASO NG DELTA VARIANT NATUKOY

KINUMPIRA ni Health Usec Maria Rosario Vergeire na 319 bagong kaso pa ng Delta variant ang natukoy sa  pinakahuling genome sequencing na ginawa ng Philippine Genome Center nitong September 18.

Bukod dito nakapagtala rin ng 13 na bagong kaso ng Alpha variant at 9 na bagong kaso ng Beta variant

Ayon kay Vergeire,. may pinakamaraming naitala na kaso ng Delta variant ay sa Region 2 na umabot sa 40.

Sa CARAGA ay mayroong 31 habang 26 sa Region 4A at 24 kaso ng Delta variant naman ang nakita sa National Capital Region (NCR)

Ang P.3 variant na natukoy sa Pilipinas ay may natuklasan ding limang bagong kaso sa genome sequencing ng PGC.

Kinumpirma ni Vergeire na lahat ng rehiyon sa bansa ay mayroon nang P.3 variant. GENE ADSUARA