B.A.D. ‘Yan! campaign wawakasan bullying,  Quezon City LGU, DepEd kapit-bisig  

UPANG mapigilan ang lahat ng uri ng bullyingat diskriminasyon sa mga paaralan, kapit bisig ang Quezon City Government at Department of Education – Schools Division Office Quezon City (DepEd QC) sa isang anti-bullying campaign sa lahat ng public at private schools sa lungsod.

 Layon ng programang BAD (Bullying at Diskriminasyon) ‘Yan! na mapalakas ang kaalaman, maiulat at mapaigting ang interventions sa mga kaso ng bullying at diskriminasyon sa mga paaralan.

“Every student deserves to learn in an environment where they are respected, heard, and protected. In QC, we believe that schools should be places of growth, not fear. With this new campaign, we reaffirm our commitment to stand by our children and ensure their voices are never silenced by bullying,” ayon kay Quezon City Mayor Joy Belmonte.

Ang inisyatiba ay hindi lamang para sa physical at verbal bullying kundi pati na rin ang cyberbullying o digital harassment na dapat maprotektahan ang mga mag-aaral, mga magulang at guro.

Isusulong din ng kampanya ang zero discrimination at titiyak na walang mag-aaral ang hindi mapapangalagaan sa mga paaralan anuman ang kanilang pagkatao, relihiyon, estado sa buhay, kaanyuan o may kapansanan.

 The fight against bullying  is not won by schools alone. It takes the collective effort of families, communities, and leaders to shape an environment where respect and kindness prevail. With B.A.D ‘Yan!, we unite all QCitizens to protect our children and nurture them into compassionate and responsible citizens,” dagdag ni Mayor Belmonte.

Naniniwala ang QC LGU na ang bullying at diskriminasyon ay maaa­ring magdulot ng distress at kawalan ng tiwala ng isang bata sa kanyang sarili.

Nangako naman ng full support ang DepEd kasama ang mga division officials, principals, at mga guro na aktibong magpapatupad sa pagpapatupad ng kampanya.